द्रव्यशाह बहुमुखी क्याम्पस गोरखामा जेनिस व्हिपल क्याम्पस विकास कोष स्थापना !!!
अमेरिकी नागरिक प्राध्यापक डाक्टर जेनिस ह्विपलको नाममा गोरखाको द्रब्यशाह बहुमुखी क्याम्पसमा करीव १० करोड रुपैयाँको अक्षयकोष स्थापना भएको छ । क्याम्पस सञ्चालक समितिको कात्तिक २३ गतेको बैठकले अमेरिकाबाट प्राप्त ७ लाख ४१ हजार ७ शय २३ डलर अर्थात ९ करोड ७८ लाख ९८ हजार ३ शय १३ रुपैयाँको अक्षयकोष स्थापना गर्ने निर्णय गरेको हो । सन् २००४ मा दोस्रो पटक नेपाल भ्रमण गर्दा संस्थापक क्याम्पस प्रमुख एवम् सञ्चालक समितिका पूर्व अध्यक्ष स्वर्गीय मोहननारायण श्रेष्ठसँग गरेको मौखिक प्रतिवद्धता अनुसार रकम प्राप्त भएको क्याम्पस प्रमुख रामचन्द्र दुवाडीले बताउनुभयो । श्रेष्ठको सम्पर्कमा आउनुभएका ह्विपलले बाँकी रहेको नीजि सम्पत्ति आफ्नो मृत्यु पश्चात क्याम्पसलाई प्रदान…
